Tag Archives: sooken word poetry

NAGMAHAL. NASAKTAN. NAGLAKBAY.

Nagmahal

Nasaktan

Naglakbay

Naglakbay sa kung saan malayo ang lumbay

Kung saan hindi rin naman natatakasan ang pesteng katotohanan

Na naroon ka sa lahat ng aking nararanasan

Na multo ng tayo ang nakikita saan man ako lumingon

Sa mga bundok, sa mga isla at sa mga dagat na umaalon

Tinig mo ang dinig sa mga dahong pumapagaspas

Ngiti mo ang tanaw sa mga ilog na lumalagaslas

Nagmahal

Nasaktan

Naglakbay

At alam ko, paglagpas ko sa mga lugar na ito

Kailangan ko pa ring umuwi

At ikaw din ang tahanan ko.

Advertisements